Визний тухай мэдээлэл

  Онгоцны тийз

  Аялалд гарахад анхаарах зүйлс

  Хувийн бэлтгэлийн тухай.

  Зочид буудалд байрлах үед анхаарах зүйлс.

  Хоол хүнсний тухай.

  МИАТ-ын Нислэгээр зорчихдоо та доорхи зүйлийг анхаараарай

  Нарита ОУНОБуудалд буугаад анхаарах зүйлс

  Мөнгөн дэвсгэрт

  Утас

  Цаг агаар

  Цаг

  Цахилгаан

  Цайны мөнгө

  Зураг ба бичлэг хийх

  Хоол

  Бусад

  Зарим хэрэгтэй үг хэллэг

1. Визний тухай мэдээлэл?[ TOP ]

Гадаад харилцааны хамтын ажиллагаанаас шалтгаалан визийн нөхцөл улс бүрт өөр өөр байдаг.
Япон, Солонгос болон Европийн холбооны орнууд буюу Германи, Франц, Итали, Австри зэрэг орнуудад аялах тохиолдолд аялалын хөтөлбөрийн хугацаанд тохирсон хугацаагаар виз мэдүүлэх шаардлагатай.
Харин Зүүн өмнөд Азийн орнууд болох
-Сингапур
-Малайз
-Макао
-Хонг Конг зэрэг орнуудаар тус бүрт нь 14-с доош хоногийн хугацаанд аялах бол визгүй зорчих эрхтэй бол БНХАУ болон Тайландын вант улсад 30 с доош хоног визгүй зорчих эрхтэй.
Хэрэв та аялалын хугацаа болон аялах газраас шалтгаалан виз мэдүүлэх шаардлагатай бол манай компанийн тухайн аялалыг хариуцсан менежерт шаардлагатай материалыг бүрдүүлж өгөн тухайн улсын элчин сайдын яаманд виз мэдүүлэх үед өөрийн биеэр хамт байлцах шаардлагатай.

2. Онгоцны тийз?[ TOP ]

Онгоцны тийз нь үнээс хамаарч олон төрлийн нөхцөлтэй байдаг. Хэрэв өвлийн улиралд 5 сарын өмнөөс тухайн жилд өөрийн аялах газар, хугацаа, хөтөлбөрөө сонгож бидэнтэй аялалын гэрээ хийх юм бол бидний санал болгож байгаа үнээс үнийн хөнгөлөлт эдлэх боломжтой.
Харин энэ тохиолдолд гэрээ хийснээс хойш нислэг хийх өдрүүдийг өөрчилж болохгүйг анхаарна уу.
Мөн энгийн онгоцны тийз ч нөхцөлөөсөө хамааран нислэгийн өдөр өөрчлөх болон цуцлахад тодорхой хэмжээний торгуультай болохыг анхаарна уу.

3. Аялалд гарахад анхаарах зүйлс?[ TOP ]

Аялалд гарах үед та өөрийн гадаад пасспорт /хүчинтэй хугацаа нь аялал дуусах өдөр хүртэл хангалттай хүрч байх/, онгоцны тийзээ марталгүй биедээ авч явах. Мөн аялах орны онцлог нөхцөлд нийцүүлсэн хувийн бэлтгэлээ сайн базаасан байх шаардлагатай.

4. Хувийн бэлтгэлийн тухай.?[ TOP ]

Тухайн аялах гэж буй орны онцлогоос шалтгаалан та өөрийн хувийн бэлтгэлээ базаагаарай. Жишээлбэл Зүүн өмнөд азийн халуун дулаан уур амьсгалтай орнуудаар аялах тохиолдолд та заавал нарны тос, нарны шил, шүхэр зэрэг нарны халуун элчээс өөрийгөө хамгаалах зүйлсийг авч явахыг танд зөвлөж байна. Мөн та ямар нэгэн архаг хууч өвчин, элдэв хоолны харишлтай тухайн өвчин харшилын эмээ бүү мартаарай. Мөн та аялаж байх хугацаандаа өөрийн гэр бүл, ажил хэрэгт санаа зовинож байгаа бол хэрэв та Мобикомын гар утастай бол messag rooming үйлчилгээг ашиглаарай. Бидний санал болгож байгаа бүх улс орнуудад тус үйлчилгээг ашиглах боломжтой. Харин зөвхөн Япон улсад таны гар утас 3G системийг дэмжидэг бол та тус үйлчилгээнд хамрагдах боломжтой. Дэлэгрэнгүй мэдээлэлийг Мобиком компанийн салбарууд болон веб хуудаснаас аваарай.

5. Зочид буудалд байрлах үед анхаарах зүйлс.?[ TOP ]

Та өөрийн байрлаж буй зочид буудалд байрлах хугацаандаа өөрийн эрүүл мэнд болон үнэт эдлэл болон бусад өмч хөрнгөө 100 хувь өөрөө хариуцахыг анхаарна уу. Мөн аялалд оролцож байх хугацаандаа гадаад паспортоо байнга биедээ авч явж хаяж гээгдүүлэх, хулгайд алдахаас ямагт сэргийлж байхыг анхааруулж байна.
Зарим орны зочид буудлуудын өрөөнд тамих татах хориотой байдаг бөгөөд ийм нөхцөлд манай хөтөч танд урдчилан анхааруулж байх болно.
Мөн тухайн буудлын дотоод журмаас хамааран та өөрийн байрлаж байгаа зочид буудлын өрөөний эд хогшилын бүрэн бүтэн байдлыг 100 хувь хариуцах болно. Ямар нэгэн байдлаар эвдэж гэмтээх, алдаж үрэгдүүлсэн тохиолдолд манай байгууллага хариуцлага хүлээхгүй болохыг анхаарана уу.
Ихэнх буудлуудын өрөөнд мини бар байх бөгөөд ихэнх буудлуудын ор хоногийн үнэнд мини баранд тавигдсан зүлсийн үнэ ороогүй болно.

6. Хоол хүнсний тухай.?[ TOP ]

Зүүн өмнөд азийн орноор хийх аялалын хөтөлбөрийн цөлөөт цагтай үед өглөө өпөр оройн хоолыг аялагчид өөрсдөө хариуцах болно.

7. МИАТ-ын Нислэгээр зорчихдоо та доорхи зүйлийг анхаараарай?[ TOP ]

- Та олон улсын аяллын замд гарахын өмнө паспорт, онгоцны тийз зэрэг баримт бичгээ бүрэн эсэхийг шалгаарай.
- Зорчигч нислэг эхлэхээс 2 цаг 30 минутын өмнө тухайн нисэх буудалд хүрэлцэн ирж гаалийн үзлэг, зорчигчийн тийз ба тээшний бүртгэл болон паспортын шалгалтанд орох ёстой.
Хэрэв зорчигч тогтоосон хугацааны өмнө нисэх буудалд хүрэлцэн ирж чадаагүйгээс эсвэл шаардлага хангахгүй баримт бичигтэй ирснээс болж захиалгат суудлаа ашиглаагүй тохиолдолд суудлын торгууль, үйлчилгээний хураамжийг зохих журмын дагуу төлнө.
Захиалгаа баталгаажуулах:
Та хөтөчдөө хэлж хүлээн авч байгаа компанийн хариуцсан менежерт хэлүүлж, билетээ баталгаажуулаарай. МИАТ-ын нислэг нь дамжин өнгөрөх буюу очоод буцах газартаа 72 цагаас илүү хугацаагаар байх бол дамжин явах буюу буцах нислэгт захиалсан суудлаа нислэг эхлэхээс 72 цагийн өмнө баталгаажуулж байх ёстой. Дурдсан хугацаанд суудлаа баталгаажуулаагүй бол захиалга чинь хүчингүй болох тохиолдол байдгийг анхаарна уу.
Гар тээш
Зорчигчийн гар тээш нь онгоцны суудлын доор болон тээш хадгалах хэсэгт багтахаар байх ба 5 кг-аас хэтрэхгүй байх ёстой. Гар тээшний 3 талын хэмжээсийн нийлбэр нь 115 см-ээс хэтэрч болохгүй. Өөрөөр хэлбэл гар тээшний 3 талын хэмжээс нь бариул, дугуй ээрэг нь ороод 55см х 35см х 25см-аас хэтрэхгүй байвал зохино.
Үнэ төлбөргүй тээвэрлүүлж болох тээш
Та олон улсын нислэгээр зорчихдоо 20 хүртэл кг тээшийг бүртгүүлээд үнэ төлбөргүй тээвэрлүүлэх эрхтэй. Хэрэв таны нэг тээшний жин нь олон улсын нислэгт 35 кг -аас дээш эсвэл овор (гурван талын нийлбэр хэмжээ) нь 158см (62 инч)-ээс хэтэрч байвал Та уг тээшийг тээвэрүүлж болох эсэхийг зааварлагчаас урьдчилан лавлах шаардлагатай. Үнэ төлбөргүй тээвэрлүүлж болох хэмжээнээс хэтэрсэн тээшийг илүү жингийн нэгж тутамд тогтоосон тарифаар үнийг төлөөд тээвэрлүүлж болно.
Үнэт ба хэврэг зүйлс
- Та мөнгө, үнэт эдлэл, компьютер, дижитал камер зэрэг эд зүйлсийг бүртгүүлэх тээшиндээ хийхгүй байхыг зөвлөж байна. Хэрэв тийм эд зүйлс алдагдах буюу гэмтэх бол тээвэрлэгч ямарваа нэг хариуцлага хүлээхгүй болохыг анхаарна уу.
- Тээвэрлэгч хөгжмийн зэмсэг, шилэн эдлэл, цаг, камер зэрэг хэврэг зүйлс гэмтсэн тохиолдолд ямар нэгэн хариуцлага хүлээхгүй болно.
- Хэт овортой болон хэт дүүргэж багласан тээш, хэт хуучин эсвэл чанар муутай чемоданы дугуй зэрэг хэсэг нь салсан, их бие болон бусад хэсгүүд гэмтэж зурагдсан, хонхойсон, бохирдсон зэрэгт тээвэрлэгч хариуцлага хүлээхгүй болно.

8. Нарита ОУНОБуудалд буугаад анхаарах зүйлс?[ TOP ]

Та Японы гаалийн үзлэг, зорчигчийн тийз ба тээшний бүртгэл болон паспортын шалгалтанд орохдоо орох хуудас бөглөх ёстой. Тэр хуудсан дээр Батлан даагчийн нэр ба хаяг гэсэн хэсэг ба Японд оршин суух газрын хаяг гэсэн хэсэг байгаа ба тэр хэсгийг бөглөхдөө доорхи хаяг, нэрийг бичээрэй.

9. Мөнгөн дэвсгэрт?[ TOP ]

Японы мөнгөн тэмдэгтийг Иэн (\) гэдэг. 1, 5, 10, 50, 100 болон 500 иэнийн зоосон мөнгө, 1000, 5000, 10,000-тын цаасан дэвсгэрттэй. Монголд 2009 оны 1 дугаар сарын 14-ний өдрийн ханшаар “Найман Шарга” валютын зах дээр 1 Иэн нь ойролцоогоор 15,10 төгрөг байна. Японд 1 US$ нь ойролцоогоор 92 Иэн байна. Тиймээс Монголдоо Монгол төгрөгөө Иэн болгож солиулаад аваад явсан нь дээр. Японд иэнийг гадаад валют худалдаалдаг банкууд, бусад зөвшөөрөгдсөн валют солих цэгүүдээс худалдан авч болно. Олон Улсын Нисэх онгоцны буудлуудад валют солих цэг байдаг ба ажлын цагуудад ажилладаг тул та Наритад буугаад Иэн солиулах боломжтой.

10. Утас?[ TOP ]

Та зочид буудлын өрөөнөөсөө Монгол руу залгах боломжтой. Жишээлбэл, Монголын 99351762 гэсэн дугаар руу залгахын тулд: 001-976-гээд гар утасны дугаар болох 99351762-г оруулж залгана. Гэрийн утас бол 001-976-11-461542 гэх мэтчилэн залгана. Сүүлийн гарч ирсэн 70-аар эхэлсэн утас болон 50-аар эхэлсэн утаснууд руу залгахад 976-гийн араас 11-ийг хийхгүй.
Та Мобиком руу ярьж өөрийн утасны гар утасны загварыг хэлээд Японы системд таарах таарахгүйг асууж тодруулаарай. Хэрвээ таны гар утасны систем нь Японы гар утасны системтэй таардаг гэвэл Мессеж Рөүминг үйлчилгээ авах боломжтой ба энэ нь та Японоос Монгол руу шууд мессежээр харилцах боломжтой гэсэн үг. Хэрвээ таны гар утас Японы системд таарахгүй бөгөөд танд мессеж рөүминг үйлчилгээ хэрэгтэй бол та Мобикомоос утас түрээслээд аваад явах боломжтой.

11. Цаг агаар?[ TOP ]

Одоогийн байдлаар Токиод өдөртөө +8～10°С байна. Одоогийн байдлаар зарим үед бороо орж байгаа. Далайн чийглэг уур амьсгалтай тул Токиогийн өвлийн салхи нь жихүүн байдаг. Фүжи ууланд Гогоомэ буюу дунд хэсэг хүртэл нь авирахад 5-10°С сэрүүсэх магадлалтай мөн бороо орох магадлалтай тул хавар намрын куртка авч яваарай. 9-10 сард Монголд ямар хувцас өмсдөг вэ тиймэрхүү хувцас авч явсан нь дээр болов уу. Ханиад элбэг байгаа мэдээлэл ирсэн тул хүүхэддээ маск авч явахад илүүдэхгүй.

12. Цаг?[ TOP ]

1 цагийн зөрөөтэй. Япон 1 цагаар түрүүлж явдаг. Монголд 15 цаг болж байхад Японд 16 цаг болж байгаа гэсэн үг.

13. Цахилгаан?[ TOP ]

100 Вольтын・2 хавтгай залгууртай. Та зургийн аппарат болон камераа цэнэглэхэд хүчдэл бууруулах адаптор заавал хэрэгтэй гэдгийг анхаараарай.

14. Цайны мөнгө?[ TOP ]

Японд цайны мөнгө өгөх шаардлагагүй, тийм заншил байхгүй. Үйлчилгээний салбарын хүмүүс бол өөрсдийн хийх ёстой зүйлээ л хийдэг ба түүнийгээ сайтар ойлгодог.

15. Зураг ба бичлэг хийх?[ TOP ]

Японы ихэнх газруудад та дураараа зураг авч, бичлэг хийж болно. Зарим сүм, барилга байгууламж дотор /тун цөөн/ зураг авах хориотой буюу төлбөртэй байх ба та энэ талаар хөтөчөөсөө заавар аваарай.

16. Хоол?[ TOP ]

Япон үндэстний хоол нь өнө эртний түүх соёлтой бөгөөд эдүгээ дэлхий дахинаа хамгийн эрүүл, зөв хоол хэмээн хүлээн зөвшөөрөгдөх хандлагатай байгаа. Гэхдээ энэ аяллын хугацаанд өөрөө хоолоо сонгож иддэг Европ ресторануудыг сонгосон байгаа. Ихэнх зоогийн газруудад хоол идэхийн өмнө бүлээн алчуур өгдөг. Зөвхөн гар арчих зориулалттай тул нүүр, хүзүүгээ арчихгүй байхыг зөвлөе. Мөн савхыг хазах, савхаар аливаа зүйлийг заах, цагаан будаандаа зоож орхихгүй байхыг хичээгээрэй. Тамхи татдаг хүмүүс хөтөчөөсөө асууж, заасан газарт нь тамхиа татахгүй бол торгуулах болно. Ихэнх ресторан дотор тамхи татахыг хориглосон байгаа.

17. Бусад?[ TOP ]

Гутлаа тайлж ордог газар олон байдаг. Тиймээс юмыг яаж мэдэх вэ тайлж өмсөхөд хялбар гутал сонгоорой.

18. Зарим хэрэгтэй үг хэллэг?[ TOP ]

Сайн байна уу? - Конничи ва
Баярлалаа - Аригатоо гозаймас
Зүгээрээ - Ийе доо,иташимашмтэ
Уучлаарай - Сүмимасен
Баяртай - Саёоонара
Би Монгол хүн - Ваташи ва монгорү жин дэсү
Үнэтэй - Такай
Ямар үнэтэй вэ - Икүра дэсүка
Ойлгохгүй байна - Вакаримасен
Намайг .... тэр шэдэг - Ваташи ва .... то моошимасү
Сайхан хооллоорой - Итадакимас
Тийм - Хай
Үгүй - Ийе
Амттай - Ойший
Хямдахан - Ясүй
Тавтай морил - Ирашшаймасэ